Համացանցում հայտնի «զայրացած կատվի»` Թարդի տիրուհին` Թբաթա Բունդեսենը իր կատվի շնորհիվ վաստակել է 99,5 մլն դոլար: Այս մասին հաղորդում է The Daily Express-ը:
«Ես թողել եմ սպասուհու աշխատանքս՝ սոցցանցերում կատվի նկարի հայտնվելուց օրեր անց: Հեռախոսս զանգում էր անդադար», — ասել է Բունդեսենը:
«Զայրացած կատվի ծննդյան վատագույն տոները» անունով ֆիլմը թողարկվել է այս տարվա նոյեմբերին: Կատուն նաև նկարահանվել է գովազդային տեսահոլովակներում, նրա նկարը կա նվերների փաթեթներին, «զայրացած» կատվի մասին գիրքը լույս է տեսել աշխարհում 15 լեզուներով: Հաղորդվում է, որ կատվի վաստակած գումարն ավել է դերասաններ Մեթ Դեյմոնի, Մեթյու Մաքքոնահիի, Նիկոլ Քիդմանի և Քեմերոն Դիասի աշխատավարձից:
