Իրանի արտգործնախարար Մոհամմադ Ջավաթ Զարիֆն առաջարկել է Թուրքիայի, Իրանի և Ռուսաստանի մասնակցությամբ եռակողմ հանդիպում կազմակերպել` քննարկելու սիրիական հակամարտության կարգավորման ուղիները` տեղեկացնում է ՌԻԱ «Նովոստի»-ն:
Այդ առաջարկությունը Զարիֆն արել է Անկարա կատարած այցի ժամանակ։ Նախարարը հանդիպումներ է ունեցել Թուրքիայի նախագահի, արտգործնախարարի և վարչապետի հետ։ Իրանական ԶԼՄ-ների տվյալներով` մի քանի օրից հնարավոր է Թեհրան այցելի Թուրքիայի նախագահ Ռեջեփ Թայիփ Էրդողանը։
