Հայաստանի հավաքականի ու Մոսկվայի «Սպարտակի» հարձակվող Յուրա Մովսիսյանը կարող է տեղափոխվել Գերմանիա: Ինչպես հաղորդում է ZDF TV Sport-ը, ֆուտբոլիստի ծառայություններով հետաքրքրված են «Վոլֆսբուրգն» ու Մյունխենգլադբախի «Բորուսիան»:
Գերմանական ակումբները ցանկանում են ձմեռային տրանսֆերային պատուհանի ընթացքում ամրապնդել իրենց կազմը և դիտարկում են մեր հայրենակցին ձեռք բերելու հնարավորությունը:
Նշենք, որ 27-ամյա հարձակվողը, ով «Սպարտակ» է տեղափոխվել 2013թ.-ի հունվարին «Կրասնոդարից», այս ընթացքում անցկացրել է 46 հանդիպում՝ դառնալով 23 գոլի հեղինակ:
Transfermarkt.de-ի տվյալներով՝ նրա տրանսֆերային արժեքը կազմում է շուրջ 10 միլիոն եվրո:
