ԵՄ-ն անցյալ տարի մասնակցել է ավելի քան 30 ռազմական գործողությունների և պետք է «իր միասնական շտաբը ստեղծի նրանց համար»: Այս մասին սեպտեմբերի 14-ին Եվրախորհրդարանի առաջ Եվրամիությունում իրավիճակի վերաբերյալ իր զեկույցում հայտարարել է Եվրահանձնաժողովի նախագահ Ժան-Կլոդ Յունկերը:
Եվրամիությունը մինչև հոկտեմբերի վերջը իր արտաքին սահմաններում կտեղակայի 200 սահմանապահ և 50 մեքենա: «Սա արվում է սահմանապահ և առափնյա պահպանության նոր եվրոպական գործակալության ստեղծման շրջանակներում,- ասել է Յունկերը: — Եվրոպան պետք է երաշխավորի իր սահմանների անվտանգությունը»:
