Populus և Ifop հետազոտական ընկերությունները հարցախույզ են անցկացրել Sputnik տեղեկատվական գործակալության և ռադիոյի համար
ԵՐԵՎԱՆ, 31 մարտի, Sputnik-ի մամուլի ծառայություն. Sputnik.Կարծիք հարցման տվյալներով` իտալացիների (66%), գերմանացիների (63%) և ֆրանսիացիների (63%) ճնշող մեծամասնությունը ցանկանում է համազգային հանրաքվեի միջոցով որոշել այլ երկրների ասոցացման հարցը։ Սա են վկայում Populus և Ifop հետազոտական ընկերությունների անցկացրած հարցախույզի տվյալները։ Հարցախույզն անցկացվել է Sputnik տեղեկատվական գործակալության և ռադիոյի համար։
Նիդեռլանդներում ապրիլի 6-ին հանրաքվե կանցկացվի, որի ժամանակ կորոշվի Ուկրաինայի` ԵՄ-ի հետ ասոցացման հարցը։ Sputnik. Կարծիք հարցախույզի համաձայն` այլ երկրների հետ ասոցացման մասին հանրաքվեի անցկացմանը կողմ են հատկապես իտալացիները. Իտալիայի բնակիչների 66%-ը ցանկանում է Եվրամիությունում «նորեկների» մասին հարցը որոշել հանրաքվեի ընթացքում։ Նույն կարծիքն ունեն նաև Գերմանիայի և Ֆրանսիայի բնակիչները (63%): Զգալիորեն ցածր է այն մարդկանց թիվը, որոնք դեմ են իրենց երկրներում հանրաքվեի անցկացմանը (Գերմանիայում, Ֆրանսիայում և Իտալիայում համապատասխանաբար 23%, 20% և 18%):
Բրիտանացիների կարծիքները երկու մասի են բաժանվել. համեմատաբար մեծ է այն մարդկանց թիվը, որոնք ցանկանում են մասնակցել երրորդ երկրների ասոցացման մասին որոշմանը` 43 %։ Միաժամանակ, բրիտանացիների 40%-ը պատասխանել է, որ չգիտի` կմասնակցի քվեարկությանը, թե ոչ։
Մեծ Բրիտանիայում և Հյուսիսային Իռլանդիայում հարցախույզն անցկացրել է Populus բրիտանական առաջատար հետազոտական ընկերությունը 2016թ.-ի մարտի 4-9-ը, մասնակցել է 1085 մարդ, Գերմանիայում (1002 մարդ), Իտալիայում (994 մարդ) և Ֆրանսիայում (1005 մարդ)` iFop ընկերությունը 2016թ.-ի մարտի 8-10-ը։
«Sputnik. Կարծիք» հասարակական կարծիքի ուսումնասիրմամբ զբաղվող միջազգային նախագիծը մեկնարկել է 2015թ.-ի հունվարին։ Գործընկերը ICM Research հայտնի բրիտանական հետազոտական ընկերությունն է։
«Sputnik. Կարծիք» նախագծի շրջանակում կանոնավոր կերպով հանրային կարծիքի հարցումներ են անցկացվում Եվրոպայի երկրներում և ԱՄՆ-ում առավել ակտուալ սոցիալական և քաղաքական հարցերի շուրջ։
Sputnik-ը (sputniknews.com) լրատվական գործակալություն է և ռադիո` տասնյակ երկրներում մուլտիմեդիոն մասնաճյուղերով։ Sputnik-ն ընդգրկում է կայքեր, անալոգային և թվային ռադիոհեռարձակում, բջջային հավելվածներ և էջեր սոցցանցերում։
