Եվրախորհրդարանի արտասահմանյան գործերի կոմիտեն հավանություն է տվել ՌԴ դեմ պատժամիջոցների խստացման հնարավորության մասին խորհրդատվական ռեզոլյուցիային: Վերջինիս ծրագիրը քվեարկության կդրվի Եվրախորհրդարանի հունիսյան նստաշրջանի ընթացքում: «Եվրոմիությունը պետք է խստացնի պատժամիջոցները և քննարկի Ուկրաինային պաշտպանողական միջոցներ և տեխնիկա մատակարարելու ուղիները, Ռուսաստանի կողմից մինսկյան պայմանավորվածությունների չկատարման և Ուկրաինայի Արևելքում իրավիճակի ապակայունացման պարագայում»,-նշվում է փաստաթղթում:
Նշենք, որ Եվրախորհրդարանի բոլոր ռեզոլյուցիաները միայն խորհրդատվական բնույթ են կրում:
ТАСС
