Վերլուծաբան Արգիշտի Կիվիրյանը Աժ ՀԱԿ խմբակցության քարտուղար Արամ Մանուկյանի նկատմամբ երեկվա ծեծի դեպքը որակում է որպես կազմակերպված պետական ահաբեկություն:
«Դա սկսվեց «Նախախորհրդարան»-ի անդամ Գևորգ Սաֆարյանի դեմ հարձակումից: Դրանից հետո տեղի ունեցան հարձակումներ ազատամարտիկների վրա ու այս վերջին դեպքը, որ տեղի ունեցավ ՀԱԿ անդամ Արամ Մանուկյանի հետ նաև ավտոմեքենաների վառելու դեպքերը: Եթե այս ամբողջը նայում ենք մի ընդհանրության մեջ, մի հստակ ձեռագիր ենք տեսնում` կազմակերպված ձևով ահաբեկել իշխանության քաղաքական հակառակորդներին: Ակնհայտ է, որ այս ամենի ետևում կանգնած է իշխանությունը, որովհետև այլ պարագայում այս հանցագործություններից գոնե մեկը կբացահայտվեր»,- Araratnews.am-ի հետ զրույցում տեղի ունեցածը այսպես բնութագրեց վերլուծաբանը:
Կիվիրյանը վերհիշեց նաև նախորդ տարի աշնանը քաղաքական ակտիվիստների վրա հարձակումների մոտ մեկ տասնյակ դեպքերը, որոնցից մեկ տարի անց այդ հարձակումներից որևէ մեկը դեռս բացահայտված չէ:
«Եթե սրա հետևում կանգնած չէին իշխանությունները, գոնե մեկը կարող էին բացահայտել»,- եզրափակեց նա:
