Vesti.am-ի հարցազրույցը Գրիշա Վիրաբյանի հետ:
-Պարոն Վիրաբյան, այս պահին ի՞նչ փուլում է Ձեր դատավարությունը:
Ոստիկանների դեմ մեղադրանք է առաջադրվել, Արարատի մարզի առաջին ատյանի դատարանում պետք է լսումներ լինեն:
-Դատավարությունից ի՞նչ ակնկալիք ունեք:
Ակնկալիքներն այնքանով են մեծ, որ, ոստիկանների հետ կապված, ամեն ինչ հիմնավորված է: Հիմնականում այս վերջին փոփոխությունները հանարպետությունում որ եղան, երևի բոլորիս հոգեբանության վրա են ազդել, բոլորս ուզում ենք մի լավ բան արած լինել: Մանավանդ, այդ տղաները մեր շրջանից են և ես այդքան էլ հակված չեմ, որ պատիժ կրեն: Եղել, անցել է, ես իմ պայքարը պատվով տարա: Ուղղակի փաստերն այնքան ակնառու են, որ իրենք կդատվեն:
-Այսինքն՝ անկախ նրանից՝ ոստիկանների մեղքը կհաստատի դատարանը, թե ոչ, Դուք նրանց նկատմամբ բարի վերբերմունք ունեք:
Իհարկե: Հաշվի առնելով ստեղծված համերաշխության մթնոլորտը, ընդառաջ գնալով նորընտիր վարչապետի հայտարարություններին, առ այն, որ երկրում պետք է առողջ մթնոլորտ ստեղծվի և ոչ ոք իրենց հաղթողի կամ պարտվողի դերում չպետք է զգա, միևնույն ժամանակ, հաշվի առնելով հանրապետության վարկանիշի աննախադեպ բարձր լինելը, որպես երկրի քաղաքացի ուզում եմ ՀՀ-ի համար խնդիրներ չստեղծել միջազգային դատական ատյաններում և քաղաքական հարթակներում, դրա համար էլ որոշել եմ ներել այդ մարդկանց:
-Ձեր գործով բազմաթիվ ոստիկաններ էին անցնում, դրանց որոշ մասը քննության պրոցեսի ընթացքում դուրս եկավ և մնացին երկուսը: Նախկին ցուցակից բավական հետաքրքիր անուններ կային, որ դուրս մնացին՝ մասնավորապես Երևանի նախկին ոստիկանապետ Աշոտ Կարապետյանը: Նա իր հարցազրույցներից մեկում ասում էր, որ Դուք իր անունը հավանաբար շահարկում էիք եվրոպական ատյաններում գործին ավելի հնչեղություն տալու համար: Հիմա Դուք պարոն Կարապետյանի նկատմա՞բ էլ նույն զգացումն ունեք, ինչ այն երկու ոստիկանների, ովքեր այսօր դատարանում են:
2004 թվականին ես չգիտեի ոստիկաններից ով որտեղ կլինի: Ուղղակի հիմա, մանավանդ, որ վերջերս համացանցում իմ մասին շատ է գրվում, ամեն ինչ թողնում եմ մարդկանց խղճին, դադարեցնում եմ այդ ամենը: Տարածված լուրն էլ բոլորիս վրա ազդում են՝ մեկի աշխատանքի վրա, մեկի ընտանիքի, նյարդերի: Դրա համար էլ ես այդ քայլին եմ գնում: Թե Կարապետյանի նշանակման լուրերն ինչքանով են ճիշտ, չգիտեմ, բայց անկեղծ ասեմ, չեմ ցանկանում նրան խանգարել: Քննությունը եղել է, դատական պրոցեսն ընթանում է, ամեն մարդ իր ճակատագրի տերն է: Գործով Եվրոդատարանը կայացրել է աննախադեպ վճիռ՝ ՀՀ նախկին իշխանությունների օրոք ես չեմ կարողացել լուրջ արդյունքների հասնել: Հիմա, շնորհիվ իմ փաստաբանների Հատուկ քննչական ծառայությունում հարուցվել է քննչական գործ, կատարվել է նախաքննություն, հարցաքննվել են մարդիկ, մեղադրվել է երկու ոստիկան: Եթե Աշոտ Կարապետյանը մեղադրվողների ցուցակում չկա, նշանակում է՝ հիմքեր չկան նրան որպես մեղադրյալ ճանաչելու:
Շարունակությունը՝ սկզբնաղբյուր կայքում
