ԱԺ նախագահ Արա Բաբլոյանն այսօր ԱԺ արտահերթ նիստում քննարկվող նախագծերի համար սահմանվող տեւողությունը քվեարկության դնելուց հետո պատասխանեց «Ծառուկյան» խմբակցության պատգամավոր Նաիրա Զոհրաբյանին: Նա Արա Բաբլոյանին հորդորել էր քվեարկությանը մասնակցել չհասցրած պատգամավորների մասին խոսելիս իրենց խմբակցության կողմը չնայել: Նաիրա Զոհրաբյանը հորդորեց նաև օրինագծերի քննարկման ժամերն ավելացնել, քանի որ մեկ ժամը բավարար չէ: «Եվ նորից խնդրում եմ՝ երբ ինչ-որ մարդիկ չեն քվեարկում, այս շարքին մի՛ նայեք, նայե՛ք այն շարքին: Մենք այստեղ բոլորս քվեարկում ենք»:
Արա Բաբլոյանն ասաց՝ ինչո՛ւ է Նաիրա Զոհրաբյանը կարծում, որ ինքը նայում է «Ծառուկյան» խմբակցության ուղղությամբ քվեարկել կամ չքվեարկելու պատճառով: «Ես խնդրում եմ բոլոր պատգամավորներին ուշադիր լինել»,- ասաց խորհրդարանի ղեկավարը:
Սոնա Դավթյան
