Եվրոպական միությունում խորհրդի նիստից առաջ լուրջ տարաձայնություններ են առաջացել Ռուսաստանի դեմ պատժամիջոցների երկարացման հարցում։
Bloomberg-ը գրում է, որ 27 երկրներից 7-ը դեմ են հունիսից պատժամիջոցների երկարաձգմանը։ Դեմ արտահայտվողների ցանկում են Հունաստանը, Կիպրոսը, Հունգարիան, Իտալիան, Սլովակիան, Ավստրիան և Իսպանիան։
Սպասվում է, որ հիմա ԵՄ խորհուրդը որոշում չի կայացնի այս հարցում, և երկարաձման որոշումը կհետաձգվի մինչև մայիս ամիս, երբ կավարտվի սահմանված պատժամիջոցների ժամկետը։ Սա թույլ կտա որոշում կայացնել՝ հաշվի առնելով Ուկրաինայում ՌԴ գործողությունները։ Հատկանշական է, որ պատժամիջոցների դեմ արտահայտվում են այն երկրների ղեկավարները, որոնց հետ վերջին շրջանում հանդիպել են ՌԴ իշխանությունները։
