Վիեննայում Հայաստանի և Ադրբեջանի նախագահների հանդիպման անցկացումը, ինչպես նաև հերթական հանդիպման մասին համաձայնության ձեռքբերումը դրական փաստ է, APA լրատվական գործակալության փոխանցմամբ` հայտարարել է Ադրբեջանում ԵՄ ներկայացուցչության ղեկավար Մալենա Մարդը:
Նա նշել է, որ Եվրամիությունը բարձր է գնահատում նման հանդիպումները:
«Եվրամիությունը շատ ուրախ է, որ նման քայլեր են արվում Լեռնային Ղարաբաղի հակամարտության խաղաղ կարգավորման ուղղությամբ: Նշեմ, որ ԵԱՀԿ Մինսկի խմբի համանախագահները ակտիվ աշխատանք են տանում նախագահների հերթական հանդիպումը կազմակերպելու համար»,- ասել է ԵՄ պաշտոնյան:
