Եգիպտոսի նախագահի ներկայացուցիչը հայտնել է, որ այսօր եգիպտական մարդատար օդանավն առևանգել է Սեյֆ ադ-Դին Մուստաֆան, հաղորդում է CNN-ը:
Ավելի վաղ հաղորդվում էր, որ առևանգողն Իբրահիմ Սամահան է, որն, ըստ շրջանառվող լուրերի, ամերիկյան համալսարաններից մեկի պրոֆեսոր է:
Այսօր հաղորդվել էր, որ անհայտ անձն առևանգել է Ալեքսանդրիա-Կահիրե չվերթն իրականացնող օդանավը, որը հարկադիր վայրէջք է կատարել Կիպրոսի Լառնակայի օդանավակայանում:
Օդանավում եղել է 55 ուղևոր և անձնակազմի 7 անդամ, որոնց մեծ մասն այս պահի դրությամբ ազատ է արձակվել:
