Այսօրվա դրությամբ Ուկրաինայի հիմնական առաջադրանքն այն է, որ իրավաբանորեն ՆԱՏՕ-ի անդամ դառնալուց առաջ, ուկրաինական զինված ուժերի ստանդարտները համապատասխանեցվեն նրանց ստանդարտներին: Այդ մասին հայտարարել է Ուկրաինայի վարչապետ Արսենի Յացենյուկը կառավարության զեկույցը ներկայացնելիս, փոխանցում է УНН-ի թղթակիցը:
«Երկրի առաջ կանգնած հիմնական խնդիրն այն է, որ իրավաբանորեն ՆԱՏՕ-ին անդամակցելուց առաջ, Ուկրաինան պիտի ՆԱՏՕ-ի փաստացի անդամ դառնա: Դա նշանակում է, որ ուկրաինական զինված ուժերը պիտի ամբողջությամբ համապատասխանեն ՆԱՏՕ-ի անդամ-երկրների ամբողջ լոգիստիկային եւ ստանդարտներին», — ասել է նա:
Ինչպես նաև, Ուկրաինայի վարչապետ Արսենի Յացենյուկը Ռուսաստանին խորհուրդ է տվել կամ համաձայնել պարտքի վերադարձման այն պայմաններին, որոնք մինչ այդ հստակեցվել են պարտատերերի կոմիտեի հետ կամ էլ Ուկրաինայի պարտքը պահանջել երկրի նախկին ղեկավարներից, որոնք այժմ Ռուսաստանում են:
«Կարող եմ նրանց հրապարակայնորեն խորհուրդ տալ. նրանք, ովքեր վերցրել են այդ փողը, Ռուսաստանի Դաշնությունում քաղաքական ապաստան են ստացել: Թող կանչեն այն ավազակներին, որոնց ապաստան են տվել եւ թող նրանցից վերցնեն փողը կամ էլ փողը վերադարձնեն այստեղ, եւ մենք մեծ հաճույքով դատ կկազմակերպենք յուրաքանչյուրի վերաբերյալ, ով միջոցներ է վերցրել ու թալանել Ուկրաինական պետությանը»,- հայտարարել է վարչապետը:
«Հերթական անգամ Ռուսաստանին կոչ եմ անում ընդունել մեր առաջարկները, որովհետեւ ավելի լավ առաջարկներ Ռուսաստանին չեն արվելու»,- ավելացրել է Յացենյուկը, փոխանցում է РБК Украина-ն:
