ԱԺ պատգամավոր Ալեքսանդր Արզումանյանը դատապարտում է ԼՂՀ ԱԺ պատգամավոր Հայկ Խանումյանին ծեծի ենթարկելու դեպքը: Այս մասին, այսօր ԱԺ-ում լրագրողների հետ զրույցում Արզումանյանն ասաց. «Շատ դատապարտելի է, պետք է անհապաղ քայլեր ձեռնարկվեն, որ բոլոր մեղավորները պատժվեն, դա հարիր չէ ժողովրդավարական պետությանը»:
Հարցին՝ Ղարաբաղում ընդդիմության ձևավորմանն ինչպե՞ս է վերաբերվում՝ Ա. Արզումանյանը պատասխանեց. «Ղարաբաղում կան ընդդիմադիր կուսակցություններ, որոնք նաև ներկայացված են Ազգային ժողովում: Հայկ Խանումյանի նկատմամբ տեղի ունեցածը դատապարտելի արարք է, և հուսով եմ՝ պատկան մարմիններն անմիջապես կգտնեն և կբացահայտեն ճշմարտությունը»:
