Վրաստանի փոխվարչապետ, էներգետիկայի նախարար Կախա Կալաձեն չի բացառում կառավարության կազմի կրճատում:
Ավելի վաղ Ազգային բանկի նախագահ Գեորգի Կադագիձեն առաջարկել էր կիսով չափ կրճատել կառավարության կազմը` լուծարելով մի շարք նախարարություններ եւ պետնախարարների պաշտոններ: Նրա խոսքով, դա կարող է կրճատել պետական ծախսերը, տեղեկացնում է «Նովոստի Գրուզիան»:
«Ապագայում հնարավոր է կառավարության որոշակի օպտիմալացում: Բայց դրա համար անհրաժեշտ է վերլուծել եւ ռեալ գնահատական տալ այն իրավիճակին եւ դրությանը, որում գտնվում ենք», — ճեպազրույցին հայտնել է Կալաձեն:
Այսօրվա դրությամբ Վրաստանի կառավարությունում 16 նախարար եւ երեք պետնախարար կա:
