Վրաստանը շարունակելու է Արևմուտքի հետ մերձեցման քաղաքականությունը` չնայած Ռուսաստանի հետ որոշ կապերի վերականգնմանը, հայտարարել է Վրաստանի վարչապետ Գեորգի Կվիրիկաշվիլին:
«Վրաստանի ապագան կապված է Եվրամիության և ՆԱՏՕ-ի հետ: Դա է Վրաստանի ժողովրդի կամքը: Ասվածը չի նշանակում, որ մենք չպետք է կարգավորենք մեր հարևանի` Ռուսաստանի հետ հարաբերությունները, սակայն ոչ ի վնաս մեր տարածքային ամբողջականության և ինքնիշխան որոշումների»,- ընդգծել է Վրաստանի վարչապետը:
