Ամանորին մնացել են հաշված օրեր և, բնականաբար, շատերն արդեն ունեն իրենց ծրագրերը տոնական օրերը հնարավորինս ուրախ ու հետաքրիր դիմավորելու և անցկացնելու համար: Araratnews.am-ը փորձեց պարզել, թե հայ հայտնիներից մի քանիսն ինչ ծրագրեն ունեն՝ տոնական օրերի հետ կապված և որտե՞ղ են պատրաստվում դիմավորել Ամանորը:
Դերասան Դավիթ Թադևոսյանի մինչև դեկտեմբերի 31-ը ներառյալ լինելու է աշխատանքի, իսկ հունվարի 1-ին մեկնելու է Հայաստանից.
«Ընտանիքիս և մոտ ընկերներիս հետ Նոր տարին կնշենք այլ երկրում»,- ասաց դերասանն ու հրաժարվեց նշել՝ որ երկրի մասինն է խոսքը:
Երգչուհի Նարինե Դովլաթյանը պատմեց՝ եթե ինչ-որ տեղ չի երգում, ապա Ամանորը սովորաբար անցկացնում է ընտանիքի հետ.
«Տարբեր տեղերից Նոր տարվա գիշերը երգելու հրավերներ ունեմ, բայց դեռ չեմ որոշել ինչ-որ տեղ կերգե՞մ, թե՞ կմնամ տանը ՝ ընտանիքիս հետ»,- ասաց երգչուհին ու հավելեց, որ ամեն դեպքում ինքը Հայաստանում է անցկացնելու տոնական օրերը:
Հեռուստահաղորդավարուհի Գայանե Ասլամազյանը ևս Ամանորը կդիմավորի տանը՝ ընտանիքի հետ.
«Մինչև դեկտեմբերի 31-ը կաշխատեմ, իսկ դրանից հետո կլինեմ տանը»,- մեզ հետ զրույցում պատմեց Գայանեն:
Երգչուհի Սոնա Ռուբենյանը դեկտեմբերի 28-ից մինչև հունվարի 7-ը ընտանիքի հետ կլինի Մոսկվայում.
«Այս տարի Ամանորն այնտեղ կնշենք»,- պատմեց Սոնան ու նշեց, որ մասնակցելու է այն տոնական ծրագրերին, որոնք նկարահանվելու են մինչև դեկտեմբերի 28-ը, իսկ մնացածը ստիպված մերժում է:
Պատրաստեց՝ Շողիկ Գալստյանը
