Գիտե՞ք, որ ոսկեձույլ, ադամանդակուռ և բազմաթիվ թանկարժեք քարերից պատրաստված «Հայոց այբուբենը» պահվում է Վեհարանում։
Արվեստի այս գլուխգործոցը պատրաստվել է 1976 թվականին` երջանկահիշատակ Վազգեն Ա Ամենայն Հայոց Հայրապետի օրհնությամբ և նախաձեռնությամբ, հայտնի ճարտարապետ Բաղդիկ Արզումանյանի տառային էսքիզներով և ճանաչված ոսկերիչ Ժիրար Չուլոյանի ջանքերով:
Հայոց տառերի ոսկին տարբեր ժամանակներում Ս. Էջմիածնին են նվիրաբերել հայորդիներ սփյուռքից և հայկական տարբեր գաղթօջախներից, որոնք արտագաղթել էին Արևմտյան Հայաստանից:
Մաշտոցաստեղծ 36 զինվորները հայ ժողովրդի հավերժության խորհրդանիշն են, որոնք դարերի ընթացքում հային հայ են պահել:
