Ռուսական TASS լրատվական գործակալության փոխանցմամբ՝ վնասակար նյութերը մթնոլորտ արտանետելու ծավալների մանիպուլյացիայի շուրջ ծագած սկանդալը, որի կենտրոնում հայտնվել է Volkswagen կոնցեռնը, կարող է տարածվել նաև գերմանական մեկ այլ ավտոարտադրողի վրա։ Խոսքը BMW-ի մասին է։
Մասնավորապես ուշադրության կենտրոնում է հայտնվել BMW X3 xDrive 20d մոդելը, որի փորձարկումները ցույց են տվել, որ արտանետված գազերն ավելի քան 11 անգամ գերազանցել են եվրոպական նորման։ Տվյալ տեղեկատվության հայտնվելուց հետո BMW-ի բաժնետոմսերը Ֆրանկֆուրտի ֆոնդային բորսայում ընկել են 7 տոկոսով։
