«Հիմնական հարցը Եվրասիական տնտեսական միությունում առկա խնդիրներն են, որ պետք է լուծել»,- այսօր Մոսկվայում ասաց ՀՀ վարչապետ Նիկոլ Փաշինյանը:
Մյուս խնդիրը, ըստ Փաշինյանի, ընդհանուր էներգետիկ շուկան է: Էներգակիրների գինն ազդում է ԵԱՏՄ երկրների արտադրանքի գնի վրա: «Մեր նպատակն է զարգացնել արդյունաբերությունը եւ քիչ կախված լինել ներմուծվող ապրանքներից»,- ասաց ՀՀ վարչապետը:
Հիշեցնենք, այսօրվանից Հայաստանը նախագահում է ԵԱՏՄ-ում: Ըստ Փաշինյանի՝ նախագահությունը ստանձնելը խթան է ավելի ակտիվ աշխատելու:
Հարց հնչեց նաև «Գազպրոմ Արմենիա»-ի հետ բանակցությունների մասին: Փաշինյանն ասաց, որ դրանք շարունակվում են: «Պետք է փորձել գտնել երկարաժամկետ լուծում գազի գնի համար: Ցանկալի կլինի, որ եթե հարցի լուծումը ԵԱՏՄ-ի շրջանակներում լինի, քանի որ ընդհանուր տնտեսական տարածքի մասին է խոսքը: Մենք չենք պատրաստվում ոչինչ սուբսիդավորելու մեր սպառողների համար կամ դրա դիմաց ինչ-որ ռեսուրսներ տալ»,- վստահեցրեց վարչապետը:
Սոնա Դավթյան
