Մադրիդի «Ռեալի» դարպասապահ Իկեր Կասիլյասը հերթական անգամ հայտարարել է, որ չի պատրաստվում հեռանալ իր հարազատ թիմից։
«Մտադիր եմ մնալ «արքայական ակումբում» մինչև 2017 թվականը։ Հենց այդ ժամանակ է ավարտվում իմ պայմանագրի ժամկետը։
Ուզում եմ կարիերաս ավարտել Մադրիդի «Ռեալում»», — իսպանացի ֆուտբոլիստի խոսքերն է մեջբերում AS պարբերականը։
Նշենք, որ Կասիլյասը հանդես է գալիս «Ռեալի» հիմնական թիմում 1999 թվականից, որի կազմում անցկացրել է 717 հանդիպում։
