ԵԱՀԿ Մինսկի խմբի համանախագահները շտապ կարգով տարածաշրջան այցելելու ծրագիր չունեն. ադրբեջանական APA լրատվական գործակալության հետ զրույցում նշել է Մինսկի խմբի ամերիկացի համանախագահ Ջեյմս Ուորլիքը:
Դիվանագետը նշել է, որ նախագահների համաձայնությամբ հունիսին նախատեսված գագաթնաժողովը կազմակերպելու նպատակով համանախագահները հույս ունեն հանդիպել Ադրբեջանի և Հայաստանի արտգործնախարարների հետ:
«Մեր նպատակն է հիմք ստեղծել բանակցությունների համար, որոնք կհանգեցնեն համապարփակ խաղաղ համաձայնագրի»,- ասել է Ուորլիքը:
