Մարդու իրավունքների Եվրոպական դատարանի որոշումը չի փոխում կողմերի՝ ղարաբաղյան հակամարտության կարգավորման հարցում որեւէ աշխատանք տանելու ուղղությամբ։ Այս մասին ասել է ԵԱՀԿ Մինսկի խմբի համանախագահ Ջեյմս Ուորլիքը, մեկնաբանելով NEWS.am-ի թղթակցի հարցը՝ կապված «Չիրագովը եւ մյուսներն ընդդեմ Հայաստանի» գործով ՄԻԵԴ-ի վերջերս կայացրած որոշման հետ։
«Համանախագահներին հանձնարարված է աշխատել կողմերի հետ ղարաբաղյան հակամարտության կարգավորման խաղաղ լուծման ուղղությամբ։ ՄԻԵԴ-ի որոշմամբ չի փոփոխվում ոչ կողմերի դիրքորոշումները, ոչ էլ նրանց պատրաստակամությունը՝ որ աշխատեն հակամարտության խաղաղ կարգավորման ուղղությամբ»,- հայտարարել է Ջեյմս Ուորլիքը։
