Ուկրաինայում զինված հակամարտությունից ի վեր զոհվել է 5187 մարդ, 11515 մարդ վիրավորվել է։ Նման տվյալները Ժնևում ներկայացրել է ՄԱԿ-ի մարդու իրավունքների գլխավոր հանձնակատարի վարչության պաշտոնական ներկայացուցիչ Ռուպերտ Քոլվելը։
Ուկրաինայում ՄԱԿ-ի մանկական հիմնադրամի ներկայացուցիչ Ջովաննա Բարբերիսն ասել է, որ Դոնեցկում ռմբակոծությունների ժամանակ շուրջ հազար երեխա ստիպված է պատսպարվել թաքստոցներում։ Նա հավելել է, որ երեխաները սննդի և խնամքի կարիք ունեն։
