Բելառուսի նախագահ Ալեքսանդր Լուկաշենկոն հայտարարել է, որ այն բելառուսներն ովքեր մասնակցել են ուկրաինական պատերազմին, տանը՝ Բելառուսում քրեական պատասխանատվության են ենթարկվելու, հայտնում է РИА Новости-ն:
«Ռուսաստանը մեզ քննադատում է, որ մենք դատում ենք նրանց ովքեր աշխարհազորայինների կողմից են կռվում, մյուս կողմից Ուկրաինան է մեզ քննադատում, որ մենք քրեական գործեր ենք հարուցում նրանց նկատմամբ, ովքեր իրենց կողմից են կռվել: Պետք չէ մեզ քննադատել»,-ասել է Լուկաշենկոն:
Լուկաշենկոն նաև ընդգծել է, որ երկու կողմից կռվողներն էլ իր համար նույնն են:
