Ուկրաինայի ներքին գործերի նախարար Արսեն Ավակովը քիչ առաջ հայտնել է, որ հիվանդանոցում մահացել է երեկ Գերագույն ռադայի մոտ նռնակի պայթյունից վիրավորված զինվորականներից մեկը: Այսպիսով, TASS գործակալության փոխանցմամբ, երեկվա բախման հետևանքով զոհերի թիվը հասել է 3-ի:
«Երեկ նռնակի պայթյունից վիրավորված ազգային գվարդիայի ևս մի զինվորական մահացելէ հիվանդանոցում», — գրել է նախարարը Twitter-ի իր էջում:
Հիշեցնենք, որ երեկ Ռադայի մոտ տեղի է ունեցել մի քանի հարյուր մարդու մասնակցությամբ հավաք, որի ժամանակ ցուցարարները բողոքել են Գերագույն ռադայի կողմից ընդունված սահմանադրության նոր նախագծի դեմ, որով նախատեսվում է Դոնբասի տարածքում հատուկ գոտի ստեղծել :
