Ուկրաինան իրավունք ունի ինքնուրույն որոշումներ կայացնել, որոնք վերաբերում են իր ապագայոն: Ինչպես հաղորդում է TASS-ը, այս մասին հայտարարել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը:
«Գլխավոր քարտուղարի տեսակետը հետևյալն է. Ուկրաինան, ինչպես կազմակերպության անդամ յուրաքանչյուր երկիր, իր ապագայի վերաբերյալ որոշումներ ընդունելու ինքնիշխան իրավունք ունի», — նշել է Դյուժարիկը:
Հիշեցնենք, որ այսօր Ուկրաինայի Գերագույն ռադան վերացրել է Ուկրաինայի արտադաշինքային կարգավիճակի փոփոխման վրա սահմանված արգելքը:
Ռուսաստանն արդեն հասցրել է այս քայլը դատապարտել՝ այն որակելով թշնամական:
