Ուկրաինան Ղրիմը Ամանորի տոներին կարող է թողնել առանց էներգամատակարարման։ Այս մասին հայտարարել է Ռուսաստանի կառավարությունում Ղրիմի հարցերով նախարար Օլեգ Սավելևը։ Հաղորդում է RIA-Novosti գործակալությունը։
«Մտավախությունները միշտ կան։ Առաջինը, դա կարող է կապված լինել տեխնիկական խնդիրների և Ուկրաինայի էներգահամակարգի խնդիրների հետ։ Այդ պատճառով, իհարկե, ուշադիր հետևելու ենք և նախապատրաստելու հակավթարային միջոցառումներ, եթե դրա կարիքը լինի», — ասել է նախարարը։
Հիշեցնենք, որ երեկ Ուկրաինան ամբողջությամբ հոսանքազրկել էր Ղրիմը։ Հոսանքազրկումը տևել էր մի քանի ժամ։ Ղրիմը գրեթե ամբողջությամբ կախված է Ուկրաինայից էներգամատակարարումից։
