Ամերիկացի երգչուհի Ուիթնի Հյուսթոնի դուստրը՝ Բոբի Քրիստինան դուրս է եկել կոմայից։ Այս մասին հայտնել է նրա հայրը՝ Բոբի Բրաունը։ Հաղորդում է TMZ-ը։
«Բոբին արթնացել է։ Նա հետևում է ինձ», — ասել է Բրաունը, ով այդ մասին հայտարարել է Տեխասի բժշկական կենտրոնում։
Բոբի Քրիստինային անգիտակից վիճակում հայտնաբերել էին հունվարի 31-ին` լոգարանում։ Նրան տեղափոխել էին Ատլանտայի հիվանդանոց, ուր որոշում էր կայացվել նրան արհեստական կոմայի ենթարկել։
