Araratnews.am-ի բլից հարցերին պատասխանում է դերասանուհի Ծովինար Մարտիրոսյանը:
-Դերասանուհու երեք ամենակարևոր հատկանիշները…
-Առաքինություն, ազնվություն իր անձի և դիմացինի հանդեպ և ի վերուստ տրված տաղանդը:
-Մասնագիտական ամենակարևոր նպատակը…
-Ձգտել կատարելության:
-Դերասան, ում հետ երազում եք խաղալ…
-Բոլոր լավ դերասանների հետ էլ երազում եմ խաղալ:
-Թեմա, որի շուրջ ժամերով կխոսեք…
-Արվեստ:
-Մարդ, որին պատմում եք Ձեր բոլոր գաղտնիքները…
-Ամուսինս:
-Ձեզ հասկանալու հանար դիմացինը պետք է…
-Պետք է լռելու հատկություն ունենա:
-Չեք կարողանում շփվել մարդկանց հետ, որոնք…
-Տգետ են:
-Աշխարհի լավագույն վայրը…
-Իմ տունը:
-Ձեր կյանքում ամենահիշարժան հանդիպումը…
-Նարեկի՝ ամուսնուս հետ հանդիպումը:
-Մի բան, որ ամեն օր հաճույքով անում եք…
-Շրջապատիս սեր եմ պարգևում:
-Հայաստանից հեռանալու որոշում կկայացնեք, եթե…
-Չեմ կարծում՝ մի օր նման որոշում կայացնեմ:
-Հրաշք, որ կուզեիք Ձեզ հետ պատահեր…
-Կուզեի թևեր ունենալ և թռչել:
-Եթե մեր մշակութային ոլորտում ինչ-որ բան փոխելու հնարավորություն ունենայիք, ի՞նչը կփոխեիք:
-Կուզեի դառնալ ՀՀ մշակույթի նախարար:
-Ցանկություն, որ այս պահին ունեք…
-Երեխաներս չաղմկեին (ծիծաղում է):
