Արցախում նոյեմբերի 21-ին ականապայթյունային վիրավորում ստացած 19-ամյա Նարեկ Հովեյանի վիճակը գնահատվում է կայուն ծանր: Այս մասին Araratnews.am-ի հետ զրույցում տեղեկացեց Արցախի ՊԲ մամուլի քարտուղար Սենոր Հասրաթյանը:
Ստեփանակերտի կենտրոնական հոսպիտալից էլ մեզ հայտնեցին, որ վիրավոր զինվորին արդեն Ստեփանակերտից տեղափոխում են Երևան:
Հիշեցնենք, որ նոյեմբերի 21-ին՝ ժամը 18:35-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասում ականապայթյունային մահացու վիրավորումներ էին ստացել ՊԲ զինծառայողներ Գեղամ Կորյունի Զաքարյանը (ծնվ. 1995թ.), Սարգիս Գուրգենի Աբրահամյանը (ծնվ. 1998թ.) և Սարգիս Մհերի Մելիքյանը (ծնվ. 1997թ.): Զինծառայող, 1998թ. ծնված Նարեկ Հայկի Հովեյանը ստացել էր ականապայթյունային վիրավորում:
ԷՄՄԱ ՀՈՎՍԵՓՅԱՆ
