ՀՀ երկրորդ նախագահ Ռոբերտ Քոչարյանը չի մասնակցի Երևանի ավագանու արտահերթ ընտրություններին:
Ինչպես հայտնում է Factor.am-ը՝ փոխանցելով երկրորդ նախագահի գրասենյակի ղեկավար Վիկտոր Սողոմոնյանի խոսքը, պատճառը անձնագիր չունենալն է:
«Պատճառը շատ պարզ է. Ռոբերտ Քոչարյանի անձնագիրը գտնվում է Հատուկ քննչական ծառայությունում, հետևաբար՝ երկրորդ նախագահը զրկված է քվեարկելու իրավունքից»,- հայտնեց Վիկտոր Սողոմոնյանը:
Հիշեցնենք, որ Ռոբերտ Քոչարյանին Մարտի 1-ի գործով երկրում սահմանադրական կարգը տապալելու մեղադրանք է առաջադրվել:
Հուլիսի 27-ին երկրորդ նախագահը կալանավորվել էր, ավելի ուշ, վերաքննիչ դատարանի որոշմամբ, անձեռնմխելիության հիմքով ազատ արձակվել: Սեպտեմբերի 4-ին ՀՔԾ քննիչը Ռոբերտ Քոչարյանի նկատմամբ խափանման միջոց է ընտրել չհեռանալու մասին ստորագրությունը, որի կապակցությամբ ՀՀ երկրորդ նախագահի անձնագիրը վարույթն իրականացնող մարմնում է:
