ՄԱԿ-ում վատիկանի մշտական ներկայացուցիչ արքեպիսկոպոս Բերնարդիտո Աուսան կանանց նկատմամբ բռնություններն անվանել է «ոճրագործություն հոգու և մարմնի դեմ»։ Այս մասին հաղորդում է Վատիկանի ռադիոն։ Արքեպիսկոպոսը ելույթ է ունեցել ՄԱԿ-ի անվտանգության խորհրդի նիստում, որը նվիրված էր զինված հակամարտություններում քաղաքացիների դեմ իրականացվող բռնություններին։
Արքեպիսկոպոսն առաջին հերթին խոսել է կանանց դեմ բռնութոյւնների մասին, որոնք արդեն ստանում են «ամենահրեշավոր և վայրագ ձևերը»՝ բռնաբարություն, սեռական ստրկություն, կանանց առևտուր, երիտասարդ աղջիկների առևանգում և այլն։ Վատիկանի ներկայացուցիչը կոչ է արել խստագույնս դատապարտել բոլոր այս բռնությունները։
