Այսօր՝ մարտի 29-ին Երեւանի Շենգավիթ համայնքի ընդհանուր իրավասության դատարանը վերջնական վճիռ կայացրեց քաղաքացիական ակտիվիստ Վարդգես Գասպարի նկատմամբ։ Վերջինս մեղավոր ճանաչվեց, եւ նրա նկատմամբ որպես պատիժ նշանակվեց 450 հազար ՀՀ դրամ տուգանք:
Վարդգես Գասպարին եւ նրա փաստաբանները ներկա չէին վճռի հրապարակմանը:
Գասպարին մեղադրվում էր վարչական գործով դատական նիստի ժամանակ ոստիկանության ներկայացուցիչների եւ նախագահող դատավորի հասցեին վիրավորական արտահայտություններ հնչեցնելու մեջ, ինչի համար նա կալանավորվել էր, եւ իր պնդմամբ՝ կալանավայրում կտտանքների ենթարկվել:
