Հայաստանի Հանրապետության քաղաքացիներն այսօր տոնում են իրենց՝ Քաղաքացու տոնը: Հեղափոխությունից մեկ տարի անց Քաղաքացու շնորհիվ իշխանության եկած քաղաքական ուժը պետական մակարդակով տոնում է Քաղաքացու օրը՝ այդկերպ ազդակ հղելով քաղաքացիներին, որ իրենք են երկրում իշխանության տերն ու որոշում կայացնողը:
Տոնի շրջանակներում ՀՀ պետական բարձրաստիճան պաշտոնյաների մեծ մասը այժմ մարզերում է:
Սկսենք երկրի ղեկավարից՝ Նիկոլ Փաշինյանից: ՀՀ վարչապետն այս պահին Մաշտոցի պողոտայում է, քաղաքացիների հետ խորոված է անում, նրանց հետ զրուցում և սելֆի անում:
Վարչապետ Նիկոլ Փաշինյանը երեկոյան զբոսնելու է նաև Երևանի փողոցներով:
ՀՀ կապի, տրանսպորտի և տեղեկատվական տեխնոլոգիաների նախարար Հակոբ Արշակյանն ու ԱԺ պատգամավոր Ռուբեն Ռուբինյանը, Էդգար Առաքելյանն ու մի քանի այլ գործիչներ Եղեգնաձորում են:
Նախարարը ֆեյսբուքի իր էջում լուսանկար է հրապարակել, որին կից գրել է.
Եղեգնաձորի սպորտդպրոցի սաների, քաղաքացիների, ԱԺ պատգամավորների, մարզպետարանի աշխատակիցների հետ տոնում ենք Քաղաքացու օրը։
Ի դեպ տեղի ֆուտբոլի աղջիկների թիմը շատ ուժեղ է՝ նույնիսկ տղաների թիմին է հաղթում ։
Պատգամավորներ Տիգրան Կարապետյանը, Հակոբ Սիմիդյանն ու Արմեն Փամբուխչյանը Կապանում են: Տոնը նշելու են Սյունիքի մարզի հայրենակիցների հետ:
Առողջապահության նախարար Արսեն Թորոսյանն ու ԱԺ փոխխոսնակ Ալեն Սիմոնյանը տոնին մասնակցել չեն կարողանա, մեկնում են գործուղման, բայց հասրցրել են շնորհավորել քաղաքացիներին;
Թորոսյանի և Սիմոնյանի տեսաուղերձը՝ ստորև.
ՀՀ ԱԺ խոսնակ Արարատ Միրզոյանը կնոջ և երևախաների հետ զբոսնում է Երևանի փողոցներում:
Օրվա ընթացքում կներկայացնենք տեղի ունեցող տոնական միջոցառումների մասին:
