Ամերիկյան USA Today պարբերականի ընթերցողները որոշել են Եվրոպայի ամենագեղեցիկ քաղաքը: Նրանց կարծիքով այդ տիտղոսն իրավամբ կարող է կրել Լատվիայի մայրաքաղաք Ռիգան:
«2014 թվականի Եվրոպայի մշակութային մայրաքաղաքը նոր է սկսել ուշադրություն գրավել, ինչին նա արժանի է», — գրում է պարբերականը Լատվիայի մայրաքաղաքի մասին: USA Today-ի կարծիքով` քաղաքը հետաքրքիր է մոդեռն և յուգենդստիլ ոճի ճարտարապետությամբ, իսկ Հին քաղաքը ՅՈՒՆԵՍԿՕ-ի մշակութային ժառանգության ցուցակում է:
Ընդհանուր առմամբ, քվեարկությանը մասնակցել է 20 քաղաք, որոնց թվում են Բուդապեշտը, Կոպենհագենը, Ֆլորենցիան, Ինսբրուքը, Փարիզը, Լոնդոնը, Վալենսիան, Ստրասբուրգը, Պրահան, Վենետիկը, Դուբրովնիկը:
