Հունիսի 17-ին, ժամը 14.30-ին, ոստիկանության Երեւան քաղաքի վարչության օպերատիվ կառավարման կենտրոն է զանգահարել 1973 թ. ծնված Լուսինե Դ.-ն եւ հայտնել, որ մի մարդ հարձակվել է իրենց շենքի հարեւանների վրա:
Ոստիկանության մամուլի ծառայությունից հայտնում են, որ մեկնած օպերատիվ խումբը պարզել է, որ ժամը 14.00-ին, շենքի միջանցքում, վիճաբանության ժամանակ, 1967 թ. ծնված Կորյուն Ա.-ն փայտով, ձեռքերով եւ ոտքերով հարվածել է 1984 թ. ծնված Մխիթար Օ.-ի գլխին ու մարմնի տարբեր մասերին եւ պատճառել վնասվածքներ:
Տուժողը «գանգուղեղային տրավմա» ախտորոշմամբ տեղափոխվել է հիվանդանոց:
Կորյուն Ա.-ն ներկայացել է բաժին:
Նշանակվել է ԴԲՓ:
Կատարվում է հետաքննություն:
