Երևանի քաղաքապետ Տարոն Մարգարյանը Սանկտ-Պետերբուրգում է, և ես եմ փոխարինում քաղաքապետին. այս մասին ասաց փոխքաղաքապետ Կամո Արեյանն այսօր խորհրդարանում՝ ի պատասխան հարցին, թե ինչու բյուջեի կատարողականի քննարկմանը ներկա չէ Երևանի քաղաքապետ Տարոն Մարգարյանը։
«Հայ ազգային կոնգրես» խմբակցության պատգամավոր Նիկոլ Փաշինյանն ասաց, թե տպավորություն է, որ քաղաքապետը փորձում է հնարավորինս Երևանից հեռու լինել:
«Կարծում եմ՝ բյուջեի կատարողական քննարկումները միշտ շատ հետաքրքիր են անցնում Երևանի քաղաքապետ Տարոն Մարգարյանի համար, որովհետև այդ ժամանակ նա մեկ Երուսաղեմում է, մեկ Սանկտ-Պետերբուրգում, մեկ Բադեն-Բադենում: Այնպիսի տպավորություն է, որ նա աշխատում է այս օրը Երևանից կամ ԱԺ շենքից հնարավորինս հեռու լինի, որ նույնիսկ օնլայն նրան հարց տալու հնարավորություն չլինի: Ինչպես ասում են՝ ձեզ բարի քննարկում եմ մաղթում, ես պետք է գնամ, որովհետև շատ զբաղված եմ, հույս ունեմ, որ իմ այս որոշումը կհասկանան»,-ասաց նա և լքեց նիստերի դահլիճը:
