Ճապոնական Toyota Motor Corp. կորպորացիան 2014 թվականին պահպանել է ավտոշուկայի առաջատար վաճառողի իր կոչումը: Այս մասին տեղեկացնում է հեղինակավոր Bloomberg պարբերականը:
Ինչպես հայտնում է ընկերությունը, դուստր ձեռնարկությունների հետ համատեղ բացարձակ ցուցանիշով վաճառքը կազմել է 10,23 միլիոն ավտոմեքենա, ինչև շուրջ 3%-ով գերազանցում է 2013 թվականի արդյունքը: Սրան պետք է հավելել այն փաստը, որ Toyota բրենդն առանձին իր պատմության մեջ առաջին անգամ հասել է 10 միլիոն մեքենայի սահմանագիծը:
Toyota-ին կրկին հաջողվել է իր ետևում թողնել գերմանական Volkswagen և ամերիկյան General Motors ընկերություններին: Ճապոնական ավտոարտադրողը առաջատարի իր դիրքերը պահպանում է արդեն 3-րդ տարին անընդմեջ:
2015 թվականին ընկերությունը պլանավորւմ է կրճատել ամբողջ աշխարհում իր ավտոմեքենաների վաճառքի ծավալները
1%-ով՝ շուկա հանելով 10,15 միլիոն մեքենա: Բացասական կանխատեսումների պատճառ է դարձել ռուսաստանյան շուկայում գնողունակության անկում, ինչպես նաև հենց Ճապոնիայում ավտոմեքենաների պահանջարկի նվազումը:
