Բարգավաճ Հայաստան խմբակցության ղեկավար Նաիրա Զոհրաբյանն այսօր բյուջեի կատարողականի քննարկման ընթացքում Մարդու իրավունքների պաշտպանից հետաքրքրվեցˋ ընտանեկան բռնությունների հետ կապվածˋ արագ արձագանքման կանչեր լինո՞ւմ են. «Չէ՞որ Հայաստանում ընտանեկան բռնության թեմային բազմիցս է անդրադարձ լինում, այդ թվումˋ միջազգային կառույցների կողմից»,- հարցրեց ԲՀԿ ղեկավարն ու նշեց նաև, որ ունի տեղեկատվությունˋ այն ապաստաններում, որոնք հատկացվում են բռնության ենթարկվածներին, տիրում է տեր-թոդիկյան համակարգ. «Մարդիկ ենթարկվում են հոգևոր բռնության, նրանց թույլ չեն տալիս լվացվել , լողանալ, այսինքնˋ ստավցում է` մարդիկ հայտնվում են ավելի վատ պայմաններում, քան իրենց ընտանիքներում, ուր ևս բռնության են ենթարկվել»:
Կարեն Անդրեասյանը, պատասխանելով Նաիրա Զոհրաբյանին, տեղեկարցրեց, որ ընտանեկան բռնությունների հետ կապվածˋ ունեցել են շուրջ մեկ տասնյակ ահազանգեր:
« Մենք չենք կարողանում պետական միջոցներով տեղավորել նշված անձանց, դա արել ենք հասարակական կազմակերպություների միջոցով, սակայն, պետք է ասեմ, մեր ուղղորդած կառույցներում նման երևույթներ չկան»,- ասաց Կ. Անդրեասյանն ու ընդգծեց, որ նորմալ վերաբերմունք պահանջելու համար կացարանները պետք է լինեն պետական կառույցներում. մասնավորից շատ բան պահանջել չեն կարող:
