Գորիսի Սդղի գյոլ կոչվող վայրում մայիսի 2-ին տեղի ունեցած միջադեպի գործում մեղադրյալ ներգրավված Տիգրան Խաչատրյանն օգոստոսի 20-ին դատահոգեբուժական փորձաքննության է ենթարկվել: Տիգրան Խաչատրյանի պաշտպան Արմեն Մելքոնյանը Araratnews.am-ին հայտնեց, որ նշանակված փորձաքննության պատասխանները կստացվեն մոտ 15 օրից:
Փաստաբանը նաև հայտնեց, որ իր պաշտպանյալը շարունակում է գտնվել «Նուբարաշեն» ՔԿՀ-ի բուժմասում:
Հավելենք, որ Տիգրան Խաչատրյանին մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասի հատկանիշներով (դիտավորությամբ առողջությանը ծանր վնաս պատճառելը), եւ, որպես խափանման միջոց, ընտրվել է կալանավորումը: Ներկայումս նա գտնվում է «Նուբարաշեն» ՔԿՀ-ի բուժմասում, քանի որ, ըստ պաշտպանի, առողջական խնդիրներ ունի:
Լուսանկարը` Photolure-ի
