Հայաստանի նախկին վարչապետ Տիգրան Սարգսյանը անցել է Եվրասիական տնտեսական հանձնաժողովի նախագահի պարտականությունների կատարմանը, հաղորդում է inform.kz-ն:
Սարգսյանի թեկնածությունն այդ պաշտոնում հաստատվել էր 2015թ. դեկտեմբերին, Եվրասիական բարձրագույն տնտեսական խորհրդի նիստում՝ ԵՏՄ նախագահների կողմից:
Հաղորդվում է նաև, որ փոփոխվել է Հանձնաժողովի կազմը: Փետրվարի 1-ից Կոլեգիայի անդամների թիվը հասել է 10-ի:
Հանձնաժողովում ստեղծվել է ներքին շուկաների, տեղեկատվության, տեղեկատվական-հաղորդակցման տեխնոլոգիաների հարցերով նախարարի պաշտոնը, որը զբաղեցրել է Հայաստանի էկոնոմիկայի նախկին փոխնախարար Կարինե Մինասյանը:
