Երեկ Թուրքիայի մի շարք քաղաքներում բախումներ են տեղի ունեցել ցուցարարների և ոստիկանության միջև։ Բողոքի ցույցերը կազմակերպվել էին Ստամբուլում 2013 թվականի հունիսին սկսված բողոքի ցույցերի ժամանակ վիրավորված, ապա մահացած պատանու մահվան տարելիցի կապակցությամբ։ Այս մասին հաղորդում է Euronews-ը։
Ակցիայի մասնակիցները պահանջել են պատժել պատանու մահվան բոլոր մեղավորներին։
Հայտնի է, որ պատանին վիրավորվել էր, երբ գնացել էր հաց գնելու։ Նա մի քանի ամիս մնացել էր կոմայի մեջ և մահացել մարտի 11-ին. բժիշկները չէին կարողացել փրկել նրա կյանքը։
Երեկ կայացած բողոքի ակցիաների ժամանակ ոստիկանությունը ձերբակալել է մի քանի ցուցարարի։
