Պոլսահայ լուսանկարիչ Ասպետ Մանուկյանը հեռակառավարվող խաղալիք թռչող սարքի միջոցով նկարահանել է Ստամբուլի «Քեմալ Աթաթուրք» օդանավակայանի տարածքը: Այս մասին հաղորդում է Hürriyet Daily News-ը:
Աղբյուրի փոխանցմամբ՝ այդ գործողությունները Թուրքիայի քաղաքացիական ավիացիայի վարչության կողմից որակվել են որպես ահաբեկչություն:
Թուրքական հասարակության մեջ բարձրացած աղմուկից հետո ինքը՝ Մանուկյանը YouTube-ից հեռացրել է օդանավակայանը պատկերով տեսանյութը և նշել, որ ինքն ուղղակի ցանկացել է բացահայտել օդային փոխադրումների խոցելիության աստիճանը:
Այս գործով ոստիկանական հետաքննությունը շարունակվում է:
