Թուրքիայի իրավապահ մարմինները արցունքաբեր գազի գործադրմամբ բռնի ուժով ցրել են ցույցի մասնակիցներին, ովքեր հավաքվել էին խորհրդարանի դիմաց` իրենց բողոքն արտահայտելու մեջլիսի խոսնակ Իսմայիլ Կահրամանի հայտարարության կապակցությամբ, տեղեկացնում է Ռոսբալթը:
Թուրքական խորհրդարանի խոսնակը կոչ է արել հրաժարվել աշխարհիկ սահմանադրությունից և ընդունել կրոնական, իսլամական սահմանադրություն: Նրա այդ կոչը բուռն քննադատության է արժանացել Թուրքիայում աշխարհիկ կարգի կողմնակից ընդդիմադիր ուժերի կողմից: Ցույցը ցրելու ժամանակ ոստիկանությունը ձերբակալել է մի քանի ցուցարարի:
