Թուրքիայի ժողովուրդն ընտրել է կոալիցիոն կառավարություն: Այս մասին երեկ հայտարարել է վարչապետի պաշտոնակատար Ահմետ Դավութօղլուն` ելույթ ունենալով TRT հեռուստաընկերությամբ:
Դավութօղլուն նշել է, որ չնայած իշխող «Արդարություն և զարգացում» կուսակցությունը մեկ անգամ չէ, որ հայտարարել է, թե կոալիցիան վնաս է Թուրքիային, այդուհանդերձ, ժողովուրդն ընտրել է կոալիցիոն կառավարությունը:
Նա նաև շեշտել է, որ Թուրքիայի ժողովրդի կամքը քննարկման ենթակա չէ:
Հիշեցնենք, որ կիրակի օրը տեղի ունեցած ընտրությունների արդյունքում «Արդարություն և զարգացում» կուսակցությունը կորցրել է միայնակ կառավարություն ձևավորելու հնարավորությունը:
