Թուրքիայի խորհրդարանի ընդդիմադիր հայազգի պատգամավոր Սելինա Դողանն իր ֆեյսբուքյան էջում ողջունել է Հայաստանի հավաքականի ֆուտբոլիստ Արազ Օզբիլիսի՝ թուրքական «Բեշիկթաշ» տեղափոխվելու փաստը:
«Արազ Օզբիլիսի՝ Թուրքիայում ֆուտբոլ խաղալու փաստը թուրք և հայ ժողովուրդների միջև եղբայրական կապերը հզորացնելու առումով կարևոր եմ համարում», գրել է Դողանը` ընդգծելով, որ սպորտը մեծ դեր է խաղում ժողովուրդների միջև բարեկամություն հաստատելու հարցում:
Հայազգի պատգամավորը նաև անդրադարձել է Թուրքիայում որոշ շրջանակների շահարկումների, որոնք կապված են Օզբիլիսի` հայ լինելու հետ:
«Խոր ցավ ապրեցի այն բանի համար, որ համացանցում ռասիստական արշավներ սկսեցին Օզբիլիսի՝ այլ էթնիկական ծագում ունենալու պատճառով»,- գրել նա:
Նա նաև հավելել է, որ Օզբիլիսը Թուրքիայում է ծնվել, և որ ֆուտբոլը ոչ մահմեդական ազգերն են ներմուծել Թուրքիա:
