Թուրքիայի փոխվարչապետ Նուման Քուրթուլմուշը Anadolu գործակալության հետ զրույցում հայտարարել է, որ Թուրքիան պատրաստ չէ Սիրիայի իրավիճակի պատճառով հրաժարվել Ռուսաստանի հետ հարաբերություններից :
«Թուրքիան և Ռուսաստանը երկար տարիներ ապրում են խաղաղությամբ: Ունենք շատ լավ առևտրային, տնտեսական և քաղաքական հարաբերություններ: Այս հարաբերությունները չպետք է տուժեն Սիրիայում ինչ-ինչ քաղաքական հետաքրքրություններից: Թուրքիան իրականում պետություն է, որն ի վիճակի է պաշտպանել իր սահմանները: Մենք իրավունք ունենք պահանջելու, որ Ռուսաստանն անհապաղ դադարեցնի Թուրքիայի սահմանները խախտելը, և, եթե նրանք դա «սխալմունք» են համարում, ապա պետք է դրա հետ կապված հետքայլ անեն»,- ասել է Քուրթուլմուշը:
