Թուրքիան ստիպված է լինելու առաջիկայում անցնել եվրոպական ցորենին, եթե Ռուսաստանից ցորենի առաքումների արգելքը չվերացվի: Այս մասին հաղորդում է TASS գործակալությունը` հղում կատարելով Թուրքիայի ցորենազգիների, լոբազգիների և ձիթապտղի անատոլիական կենտրոնի ղեկավար Թուրգայ Ունլյուին:
Նրա խոսքերով` միջնաժամկետ կտրվածքով այդ արգելքը լուրջ ազդեցություն չի ունենա Թուրքիայի վրա, սակայն երկու ամիս անց կարող է բարդ իրավիճակ ստեղծվել:
Հիշեցնենք, որ այսօր Ռուսաստանի ցորեն արտահանողները դադարեցրել են արտահանումը՝ մինչև ներքին շուկայում գների կայունացումը:
