Թուրքական լիրայի արագորեն արժեզրկման եւ տնտեսական անկայունության պատճառով ստեղծված ճգնաժամի հետ կապված, որը, հնարավոր է, շարունակական լինի, Թուրքիան կանգնել է G-20 զարգացող երկրների կազմից դուրս գալու, կամ դուրս բերվելու վտանգի առաջ:
Ինչպես հաղորդում է «Արմենպրես»-ը, այս մասին թուրքական «Միլիեթ» թերթում այսօր հրապարակած «Հետ ենք մնում G-20 երկրների մեջ» հոդվածում գրում է պրոֆեսոր Գյունգոր Ուրասը` նշելով, որ նման արժեզրկումից հետո Թուրքիան կարող է համաշխարհային տնտեսության մեջ լավագույն դեպքում գրավել 21-րդ տեղը:
Թուրք պրոֆեսորի կարծիքով` Թուրքիայի ներկայիս անմխիթար վիճակը հիմնականում պայմանավորված է ինքնավարության համար մարտնչող Քուրդիստանի աշխատավորական կուսակցության (PKK) դեմ պայքարով, որը վերջերս ավելի ահանգնացել է:
